Lugo di Vicenza 2010Filò con “EL GRASPO”
Circolo Poeti Dialettali Veneti
.
--- L' Ave Maria ---
Sento sonar canpane ne la sera,
òmini strachi torna sui so passi
e drio le rughe scolto 'na preghiera:
le man xe piene de cali e anca i brassi.
Sbasso la testa e me volto indrìo
e vedo el sole che pian pian tramonta
su n'altro giorno che xe za finìo
e rento al cor le storie lu me conta.
Stassera co’ le stele vui balare
par aspetar ciaror de n'antro giorno,
far festa fin matina e aspetare
tra el viola del tramonto tuto intorno.
Che bele le canpane ne la sera!
Le storie le me conta de la vita,
le sento ancora come che le gera
e rento al cor le m'à lassà na fita!
.
Nessun commento:
Posta un commento