sabato 13 marzo 2010

“L’ORTO” - Gisella Paolin

.

Lugo di Vicenza 2010

Filò con “EL GRASPO”
Circolo Poeti Dialettali Veneti
.
--- L’orto ---

Ne l’orto de drio casa,
a ranpegar sul muro
fiocheti de bonbasa
par quei co ‘l core duro,
ortighe on poco mate
che sveja i tananai
e fa vegner le gate
a chi no ride mai,
on bel peveronsìn
xe nato da lu solo
par darghe pì morbìn
a chi se sente molo
e core longo ‘l stroso
na magica semensa
e se te sì sustoso
te torna la passiensa.
Grassie a chel’orteselo
e a ‘e piante rancurà,
me par parfina belo
fin queo che no me va!
.

Nessun commento: