Lugo di Vicenza 2010Filò con “EL GRASPO”
Circolo Poeti Dialettali Veneti
.
- Un sior poareto -
Omo inportante,
come el to portafolio,
che sempre xe con ti
nel scarselon de la giacheta,
parsora al core.
Con lu, te cunpri grassie,
te paghi afeti
che ormai nessun
te vol pì regalare…
Re sensa trono!
Nel to castelo,
che ga tante finestre
par dominare el mondo
e stanse alte,
piene de marmi
e speci che i te riflete
somandote par sento,
te sì restà da solo;
e un sgrisolon de fredo
rento al core,
te parla de un’istà
ormai finìa.
.
Nessun commento:
Posta un commento