sabato 22 marzo 2008

CONTADIN - Marialinda Cicchelero

I cali sbócolava so le man
nuvi e remoti
a ogni stajon.
Signi puri
de passiense e fadiga.
Cossì so la fronte
rìgoli de sudore
se ligava a vérde linfe de tera.
La sera calava
ale de fata
pa’ stramedare
el dolse e ’l amaro del dì.
Alora on segno de crose
sbaciava lento
le sfrése del tenpo.
E vardando sapa e rastèlo
podà ai vòlti del muro,
te ridìvi al bon stare
de le spighe intente
a indorare solari.
Spighe.
Signi puri
de passion e fadiga.
Marcaùra de le to man,
vecio
testardo
contadin.

1 commento:

Unknown ha detto...

bellissimo!