PRIMO AMORE - Luciana Lobba

Xe propio vero
che ‘l primo amore
te assa rento
calcossa che no more.
Te penso qualche volta:
el to profumo
chel to bel soriso…
De i to oci no so pì ‘l colore,
ma tuto i me gavéa robà,
tuto, anca ‘l core.
Le to caresse
i brividi me dava
Co l’inocensa de ‘a zovane età,
da i to basi apena sfiorà
me sentivo el fogo rento
e me tegnevo streto
chel momento.
Le nostre strade se ga diviso
e in sogno
qualche volta
me conpare ancora
el to bel viso…
Xe propio vero
che ‘l primo amore
te assa rento
calcossa che no more.