Al "Graspo", disèn pur la verità,
sarìa ‘na s-ciantìna fora s-ciapo:
da tute ste gran menti ‘luminà
mi provo a tore su quéo che ciapo.
A serco senpre de cavare el meio,
de téndare le rece e meter via;
però no so far altro che deghèjo,
e come neve al sole vola via
la me poesia che sa quasi de gnente...
Me sforso tanto, struco su el servelo…
ma l’opera vien fora...deludente!
No ‘a xe roba da metere nel belo.
Le rime le va ‘torno e scapa via…
Se le sia bele o brute, chi lo sa?
Però par mi le xe na conpagnia:
quante volte me ga ressussità!
Iscriviti a:
Commenti sul post (Atom)
Nessun commento:
Posta un commento