sabato 22 marzo 2008

VENTO DE MARSO - Bruna Bonotto

Xe drio cascar l’ultima foja
e ‘l vento la porta a zolare;
crìa la pianta despojà
e un scrìciolo la va a consolare.

Ma ‘l vento de marso svéja tramonti.
Se alsa la luna e la dise:
?Va’ co’ la vanga sui urti,
za ‘l sole riscalda ‘e raìse!"

E mi camino col vento,
a pìe nudi caresso la tera.
Gusto la vita semenà nel tenpo
e i so coluri fin che vien sera.

Xe passà ani e tanti ani ancora…
So la me strada che no ga confini,
par tanti giorni ga brilà l’aurora
regalandome rose sensa spini.

Nessun commento: