IN CONPAGNÌA - Miranda Bille

Xe rivà el tenpo
de le ore lunghe,
cusine sensa canti
e sensa zoli.
Voje de incuntri
sconte nei pensieri,
amissi persi
drio strade erte e dure.
Ma testa e core
galopando insieme,
dal monte che se vede
da drio i veri
i tol su stele alpine
e ciclamini,
sogni e profumi
da metar su la tola.
Intanto el sole
manda na caressa
che fa desfar la brósema
sui cupi.
El merlo incrotonà
torna cantare,
ghe dà risposta
un altro lì vissin.